Si, despois de trece edicións seguidas, o Concello de Cangas decidiu suspender a organización do Salón de Cómic de Cangas debido a falta de presuposto.Na orixe da nova está a delicada situación económica do consistorio que entendemos debe ser paupérrima pois o Salón tiña un presuposto de só uns 8.000 euros xa que tódolos artistas invitados acudían gratis a cita. Xunto ao Salón tamén desaparece a convocatoria do certame para xoves autores.
A pesares de ser un evento modesto o Salón de Cómic de Cangas acadou bastante sona sobre todo grazas ás visitas de xente como Horacio Altuna, Albert Monteys, Miguelanxo Prado, Pasqual Ferry, Gene Ha, Manuel Fontdevila , Kiko Dasilva, Xaquín Marín o Luis Davila.
Semella que esta é a primeira vítima coñecida da crise económica das nosas administracións, o primeiro "aviso a navegantes" aínda que agardamos que os nosos políticos non tiren por terra toda a expansión social e o prestixio alcanzado pola banda deseñada nesta última década.
Noticia escrita por : Fancómic
No hay comentarios:
Publicar un comentario